الشاعرالثقلين : جيت لا حي ولاني ميت.......

جيت لا حي ولاني ميت بين اقبلت بين اقفيـت احـط البيـت تلـو البيـت واشـد القيـاد
في سباق اليوم شفت الخيل خضب ليل راس وذيل قوم وقوم مـا بيـن النيـازك والنجـوم
يا رمك زوغة سمك لا شفتها تفتح فمك غوج عطا راسه تقول يدين سابح منديال جا بيعوم
كن تتابع حمرها مـع شقرهـا جيـش مـن الرومـان قابـل مـن غـزاة التـرك قـوم
وشفت منها اشقر تقل مشروب خولاني اشقر صخرة في راس عنقر بل وذو عـزم شديـد
ضوح سيالته فوقه مثل نار الموبذان او دير راهـب ولعـوا بـه شمعـدان ويـش اقـول
والله يا لولا الرسن فوقه يحوفه يا نهار ارخى كتوفه ما تشوفه من عيونـك عيـن طـول
ما تقول الا شعاع الشمس في وقت الاصيل او سندس في جوف ليل مرصع جوهـر ولـول
اسمه المرسول كنه بموية التبر مغسول اليا صهـل كنـه يقول:انـا هنـا الغـوج الوحيـد
يقفي قفاية جبان ويقبل قبالة شجـاع وكـن ساقـه فـي سياقـه مـن مساقـه صولجـان
لا عقاب ولا حمامة لا قطاة ولا نعامة مثل ابـو زيـد سلامـة لاانتهـض وسـط المكـان
لا تنشر ما تقول الا رسول جا يبشر كـن سرجـه فـوق مرجـه حـول درجـه طيلسـان
جرتـه يـوم اتتبـع لا مثلـث لا مربـع كالخديـوي متربـع فوقـه الجـوكـي مهـيـد
لا تعصب ثم تنصب ما تقول الا مقصب تاج كسرى ما تغصب عرض طول وطـول عـرض
فزته فزة قريص مونس بالساق لسعة في سباق النخبة التسعـة يـرى ان الفـوز فـرض
كن تفتاله تفتـل روس رهبـان تبتـل ركزتـه حافـر وحافـر زلزلـت فـي كـل ارض
تقل لا طوف حصان يقول له :هاه!اقتنعت اوكيه ثاني مـرة اعـرف قيمتـك علـم وكيـد
الله اكبر والله اكبر تصغر القالـة وتكبـر يكسـر العايـب ويجبـر يـا بـدر علـم بـدر
الله اكبر والله اكبريقبل العايـل ويدبـر يبتلـى المسلـم ويصبـر كـل فـوق لـه حـدر
شاعر ضابط مظلي مهندس ملـي بملـي اعبـد المولـى واصلـي ولا طلبـت الجـن در
من وانا حي نسوني وفـي عباتـي كفنونـي هـل اذا مـت اذكرونـي لا ورب العاديـات
لا ورب العاديات الضبـح رب النازعـات الغـرق رب الناشطـات النشـط رب السابقـات
والله لو عندي فراغ ان قد رسمت الشعر صاغ وجبت ما لا جابه(و)اهل العصورالماضيـات
بس اشغلني الزمان وضرب أنس عند جان وعشرة راحت ثمـان وصـرف عبـاد عبيـد
شاعر من خلقته ما قد شحذ بالشعر قرش ولا طلب في الارض عرش يموت قبل يقول (ابي)
من خلق ما شال هم الا ثنين ابا وأم المـوت عنهـم بعـد (كم)ورضاهـم اقصـى مطلبـي
ولا هالدنيـا متـاع فرحتيـن ثـم وداع القبـر بـاع فـي ذراع ولا جهـلـه الا غـبـي