في هذه القصيد نجد لناصر الفراعنة

السلام عليكم ورحمة الله وبركاته

في هذه القصيد نجد تجسيد للحس الايماني ،،

وقد جمع بين فنون الشعر ،،، والتنوع في طرح المواضيع

هذه مقدمه بسيطه مني لعلي اكون قد وصفت هذا الحس..

وإلى أذّن المذّن سكتنا والـى انتهـى
قرينا الدُعـا المأثـور حـزّة ختامهـا
وقمنـا نْتِوَضّـى ونتسنّـن ونطّـلـب
لين اعلـن المـذّن صلاتـه واقامهـا
وظهرنا برآعاتٍ هي الذخـر والرجـا
بِيوم انذهال المرضعة عـن غلامهـا
هذي طـراة العمـر لا شـيْ غيرهـا
دام العظـام بصحّـه وخيـر دامـهـا
اشوف المنايـا مخلـبٍ ليـس مُعتِـق
عبيـدٍ ولا الأحـرار يِخْلِـي خطامهـا
من الموت هو وش لون نفسٍ بتسلـم؟
والاقدار تقفاهـا والاسبـاب امامهـا
الاقـدار فجّاعـة والاعمـار فانـيـة
والايـام بوّاقـة حدَجْهـا خزامـهـا
والآجـال مكتوبـة والاجسـاد باليـة
والاعمال محسوبة يمَنْهـا و شامهـا
فيا جامع الدنيا تـرى الوعـد مقبـرة
أنا وانت مِتْسَاويِـن حَـدْرِيْ رغامهـا
أرى قبـر آلْ صنديـد قـومٍ صميـدع
مِثِلْ قبر رعديـدْ ادّرَق عـن زحامهـا
وارى قبر شيخٍ يعطي الخيـل والنضـا
مثل قبر من يسرق من امّـه زمامهـا
وارى قبر من يشرب بأباريـق فضّـة
مثل قبر من يشرب بِ (نعلة دهامهـا)
وارى قبر ابو يومٍ ويوميـن واصغـر
مثل قبر من عاش ١٠٠٠ عامٍ وعامها
قبـورٍ لـو الله قـدّر لْـهَـا تكـلّـم
سِمَع من ورا القطب الشمالي آلامهـا
وصلاتي على احمد عدّ ما ذعذع الهوى
وعداد مـن قـام الدهـوره وصامهـا

تقبلو تحياتي وتقديري

مشكوررررررررررر