قصيده لشاعر عبدالله عتقان

مدري من الأفكار وألا من الوقـت
الحاجه اللي لخبطـت لـي كيانـي

أحيان أقول إني عشقـت وتعلقـت
وأحيان أقول إني كسبت الرهانـي

جاملت خلانـي كثيـر وتوهقـت
اللي على قلبـي يقولـه للسانـي

كم باقني واحد وأنا معـه مابقـت
وكم واحد أخلص له بصدق وجفاني

يمكن لإنـي فـي وفاهـم تعمقـت
أصبحت أعاني في حياتي واعانـي

دنيا غريبـه غررتبـي وصدقـت
ماكنت أعرف اللي يخفـي زمانـي

معذور ياقلبٍ على أحبابك أنفقـت
إخلاص مايوصف وحب وحنانـي

أنا أشهد أنك بالزمـن ماتوفقـت
والعمر مره مايجـي عمـر ثانـي

الشاعر /عبدالله عتقان السلمي

الله يعطيك العافيه
الشاعر عبد الله العتقان شاعر نفخر فيه ككل انا وانت وكل ناطق باللغة العربية

» ديوان الشاعر عبد الله بن عتقان
» ديوان لشاعر حامد الضبعان
» قصيدة للشاعر المبدع حامد زيد قصيده التمثال
» قصة عبدالله با نعمه
» سيرة الملك عبدالله بن عبد العزيز