افضل شعر

عبود سليم
03-11-2000, 04:09 AM

دوس المخاطرولاتخشى عواقبها000الموت واحدولاعند القدر جالي

ترى المنيه اذامست مخالبها000تدرك لوكنت في جوالسما العالي

=============================================

من قارب الأجرب بالأمراض يعديه000عدواه تصطى بالحم والعظامي

درب السلامه بينات مماشيه 000 ودرب العطب يرث عليك الكلامي

=============================================

بنت الردي حذراك حذراك تعجبك000واحذر تصير لمثل هاذي حليلي

وعن مايعيب النسل عرب مناسبك000وعليك في بنت الحصان الأصيلي

=============================================

ربعك اليا بان الخلل فيك عافوك000أقرب قريب لك من الناس يشناك

ان كثر مالك اصدقولك وطاعوك 000 وان قل مابيدك شانت حلاياك

=============================================

اليا نويت احذر تعلم بطاريك000كم واحد تبغى منه العرف وأغواك

وحذراك عن طرد المقفي حذاريك000عليك بالمقبل واترك اللى تعداك

============================================

من لانفع في شبته قبل ماشاب 000 عقب الكبر والشيب يصعب مجاله

ومن لاحكي له باول العمر مضراب000لامات تطوى بالصحايف افعاله

============================================

ماطار وقع من مطيره ولو حام 000 والزود مثل النقص ينقص ولوزاد

ياماشي بالدرب مسرى ومجهام 000 لابد من عقب المراويح معواد

============================================

واين الملوك اللي لهم خيل واركاب00ناخت لهم غبر الليالي جملها

واهل التكاثر والتفاخر بالانساب000دارت رحى الدنيا عليهم عجلها

============================================

عاشر كريم يحفظ السد ويصونه000مواقفه في نهار الضيق تنشافي

اليا بدالك لزوم ينثني دونه000في موقفه مايدور عندك أهدافي

============================================

أيامنا والليالي كم انعاتبها000شبنا وشابت وعفنا بعض الاحوالي

تاعد مواعيدٍ والجاهل مكذبها 000 واللي عرف حدها من همها سالي

============================================

الله من هم بروحي سهجها 000 بخافي ضميري في كنين الحشا لاج

أحر من نارٍ توقد وهجها 000 منها خطر روحي على سلك ديباج

============================================

حيٍ يورك المذله وتغليه 000 أنا أشهد انك ميت القلب عامي

من لايودك لاتوده وترجيه 000 ارفع مقامك ياعزيز المقامي

ارفع مقامك عن عدوك وتوذيه 000 ويلحك من تركت رفيقك ملامي

===========================================

ياذيب وان جتك الغنم في مفاليك000فاكمن لهن لين الرعايا تعداك

امنول ياذيب تفرس بياديك 000 واليوم جا ذيب عن الفرس عداك
الحقيقه إنك قلت ووفيت وشجعتني اهديك هذه الأبيات

المنتدى بوجود عبود نوّر ..... عبود وسليم يجيبون الأخبار

قدلي ثلاث أيام تايه وأدور ..... ماشفت مثله يجلب علوم وأشعار

): لاتخاف مهيب نضله

تحياتي

ياذيب عاهدني واعاهدك مرميك 000 مرميك انا ياذيب لوزان مرماك